Rebulir estrea en Celanova o espectáculo 'Os Ollos de Miss Margaret'

O Colectivo Rebulir e a Compañía ARunRun en colaboración co Grupo de Teatro do Concello de Vilamarín estrearán este Sábado día 27 o espectáculo Os Ollos de Miss Margaret. Esta Opera Prima combina o baile e a música tradicional con recursos escénicos e teatrais implicando a 70 persoas na súa dinámica. Do que se trata, segundo eles, é de achegar ao espectador a Galicia dos anos 20 por medio da mirada dunha muller da alta sociedade inglesa que viaxa interesada pola nosa riqueza mineral. Deste xeito, en 14 escenas vaise transcorrendo por un ano de vida de Miss Margaret e a súa compañeira Rose, quen descobren un país que choca radicalmente coa súa maneira de entender o mundo. O espectáculo ten una coidada base etnográfica reflectida na escenografía e vestiario así como en numerosas pezas antigas incluídas na posta en escena. O lugar elixido para a estrea é o Auditorio Ilduara de Celanova onde xa se colgou o cartel de Completo fai días. Proximamente seguiranse anunciando datas que levarán este espectáculo por todo o territorio galego e mesmo a outros lugares da península ibérica.