Fomento adxudica a rehabilitación do patrimonio arquitectónico da aldea lucense de Fonfría

O Ministerio de Fomento, a través da Dirección Xeral de Arquitectura, Vivenda e Solo, ven de adxudicar as obras de recuperación e posta en valor do Núcleo Rural Tradicional de Fonfría, mediante a redución do impacto visual de edificacións en Pedrafita Do Cebreiro (Lugo), por un importe de 596.114,75 €, financiados na súa totalidade con cargo ao propio Ministerio. As obras inclúense no marco dun conxunto de actuacións que ten como obxectivo principal a mellora do Camiño de Santiago ao seu paso por dez municipios das provincias de A Coruña e Lugo. Na actuación levarase a cabo a pavimentación do tramo do Camiño de Santiago no paso pola aldea de Fonfría, o soterramento de instalacións de saneamento e acometidas, e a realización dunha nova instalación de iluminación máis acorde co carácter patrimonial do núcleo. A mencionada actuación realízase no marco do Programa de Rehabilitación do Patrimonio Arquitectónico. Fomento convocou previamente un concurso de proxectos para a selección dos dez proxectos que completan o conxunto da intervención. Estas obras corresponden ao primeiro proxecto que se licitou. O inicio das obras se prevé en maio deste ano, cun prazo de execución de seis meses.