O Mitma porá en valor a igrexa de San Xulián do Camiño en Palas de Rei

Mellorar a contorna da igrexa de San Xulián do Camiño, en Palas de Rei, é o obxectivo do contrato que licitaba esta semana o Ministerio de Transporte (Mitma) por valor de 351.410 euros. Segundo adianta a entidade, os fondos destinaranse a mellorar pavimentación que hai desde a zona central do núcleo de Palas ata o alargamento do Camiño, a incluír o lateral da igrexa e a marxe do Adro. Ademais, no espazo de actuacións soterraranse instalacións urbanas como arquetas e rexistros e mudarase o alumeado da zona para evitar o impacto visual do existente. Segundo explica o Ministerio, con esta actuación quérese "revalorizar a historia e o patrimonio de Palas de Rei, achegando unha mellora substancial na calidade do espazo público que contribúa a dignificar e dotar de valor as edificacións tradicionais do núcleo". Está previsto que as obras se inicien a comezos de 2021.