A través dun convenio entre o ministerio de Fomento e a consellería de Cultura da Xunta vanse realizar obras de acondicionamento de varias dependencias do Conxunto Catedralicio de tui e de rehabilitación no Claustro da Hospedería no Mosteiro de Melón. Na rehabilitación do conxunto catedralicio de Tui financiarase con 100% obras da cuberta do edificio, remodelación das instalacións do pazo co obxectivo de destinalo a usos culturais para musealizar a catedral. No caso do mosteiro de Melón, as obras suporán a recuperación e novo levantamento de parte do edificio en ruínas co obxectivo de darlle un uso de Hospedería. O orzamento das obras nos dous monumentos chegarán aos 2,35 millóns de euros.
