Monicreques de Kukas celebra os seus 40 anos coa estrea de Arlequina

"A viaxe dunha peculiar e curiosa marioneta chamada Arlequina na busca da súa identidade contando para iso coa axuda de Marchelino, un vello e estrafalario artista e titiriteiro". Esta é a proposta de Arlequina, o espectáculo de grande formato coa que Monicreques de Kukas celebra os seus 40 anos de traballo. A montaxe, que se estrea o vindeiro 28 de marzo no Teatro Principal de Compostela, mestura traballo de actor e pantomima con animación de marionetas, maxia e música ao vivo. Zoar Ensemble, Teatro de marionetas Trécola, Títeres Alakrán, Jorge Casas Caneiro, Miguel Cabaleiro e Larraitz Urruzola parcitipan neste proxecto baixo a dirección artística de Isabel Rey e Marcelino de Santiago. A obra poderá verse tamén en Compostela os días 29 e 30 deste mes.