O vindeiro 2 de marzo, cando no Pazo da Ópera da Coruña teña lugar a gala de entrega dos premios Mestre Mateo do audiovisual de Galicia haberá dous nomes que serán os que máis se repitan ao longo da noite: La Sombra de la Ley e Trote. As dúas longametraxes acumulan quince candidaturas finalistas cada unha delas, competindo na maior parte delas. A unha certa distancia sitúanse a serie O sabor das margaridas con 8, a longametraxe Contou Rosalía con 7 e o programa Land Rober Tunai Show con 4. A videocración tamén acada un oco relevante ao contar o documental Versogramas con 4 candidaturas tamén. Nieves Rodríguez e Adrián Díaz deron hoxe a coñecer os nomes dos finalistas de cada unha das 25 categorías, xurdidos da primeira rolda de votacións desta XVIIª edición dos premios de entre as máis de 400 candidaturas presentadas. A Academia Galega do Audiovisual encara a recta final desta carreira cara ás estatuíllas que recoñecen o mellor da produción audiovisual galega e que se entregarán nunha gala da que xa sabemos tamén algún detalle como que estará dirixida pola actriz, guionista e directora Sonia Méndez (Vigo, 1980).
No relativo aos recoñecementos interpretativos a actriz Rosa Álvarez (Sea Bests) compite polo premio á mellor interpretación feminina protagonista con María Vázquez (Trote), Melania Cruz (Contou Rosalía) e Michelle Jenner (La sombra de la ley). Pola súa banda, enfróntanse na categoría de mellor interpretación masculina protagonista Antonio Durán Morris (Os Mariachi), Luis Tosar(La sombra de la ley), Toni Salgado (O sabor das margaridas) e Xosé A. Touriñán (Land Rober Tunai Show). A produción Trote, obtén vantaxe entre as finalistas ao premio á mellor interpretación feminina de reparto grazas a presenza de Melania Cruz e Tamara Canosa na categoría, que competirán con Adriana Torrebejano (La sombra de la ley), e Beatriz Serén (Pazo de Familia); a situación se repite na categoría de mellor interpretación masculina de reparto compiten Celso Bugallo e Federico Pérez por Trote ademais de Denis Gómez (O sabor das margaridas) e Ernesto Alterio (La sombra de la ley).
No relativo aos recoñecementos interpretativos a actriz Rosa Álvarez (Sea Bests) compite polo premio á mellor interpretación feminina protagonista con María Vázquez (Trote), Melania Cruz (Contou Rosalía) e Michelle Jenner (La sombra de la ley). Pola súa banda, enfróntanse na categoría de mellor interpretación masculina protagonista Antonio Durán Morris (Os Mariachi), Luis Tosar(La sombra de la ley), Toni Salgado (O sabor das margaridas) e Xosé A. Touriñán (Land Rober Tunai Show). A produción Trote, obtén vantaxe entre as finalistas ao premio á mellor interpretación feminina de reparto grazas a presenza de Melania Cruz e Tamara Canosa na categoría, que competirán con Adriana Torrebejano (La sombra de la ley), e Beatriz Serén (Pazo de Familia); a situación se repite na categoría de mellor interpretación masculina de reparto compiten Celso Bugallo e Federico Pérez por Trote ademais de Denis Gómez (O sabor das margaridas) e Ernesto Alterio (La sombra de la ley).
Trailer TROTE from Frida Films on Vimeo.
