Xerras dos Premios María Casares
Comeza a recta final para a XIV edición dos Premios Mestre Mateo do audiovisual galego e mais para os XX Premios de Teatro María Casares. A Academia Galega do Audiovisual, que organiza os primeiros, e a Asociación de Actores e Actrices de Galicia, responsable dos últimos, deron a coñecer as candidaturas que agora se someterán a votación para determinar os finalistas e, en última instancia, os premiados das dúas citas. No caso dos Mestre Mateo, compiten 146 producións, 159 produtoras e 518 profesionais nun total de 28 categorías. Os gañadores daranse a coñecer nunha gala que se celebrará na segunda semana de abril no Pazo da Ópera da Coruña.
Pola súa banda, para os María Casares presentáronse 38 espectáculos e máis de 300 profesionais que pelexarán polos galardóns en 14 categorías. A gala de entrega celebrarase o 30 de marzo no Teatro Rosalía Castro da Coruña. No acto entregarase o Premio de Honra Marisa Soto e lerase o Manifesto Galego no Día Mundial do Teatro.
