Colectivos culturais así coma o sindicato Comisións Obreiras, criticaron estes días o procedemento para escoller a nova dirección do Museo de Pontevedra, publicado pola Deputación de Pontevedra. Os Amigos do Museo de Pontevedra criticaron que o comité técnico estea conformado por xefes de servizo e que a decisión final corresponda ao deputado provincial de cultura. CCOO denunciou que, malia ser unha convocatoria legal, "non lle parece ética", ademáis de dubidar das competencias do Deputado de Cultura da Deputación para a elección do director. O sindicato queixouse de que o Museo de Pontevedra continúe "sen autonomía, sen organigrama, sen guía de funcións, sen dirección e sen sentido".
