Seis producións danse a coñecer nesta prestixiosa cita dedicada ás curtametraxes

O coñecido Festival de Curtametraxes de Clermont-Ferrand, en Francia, acolle desde onte e ata o vindeiro día sete unha delegación do audiovisual do país. Da man da Axencia Galega das Industrias Culturais e no marco do posto do espazo xeral Shorts from Spain distribuirase no encontro a nova edición do catálogo Shorts from Galicia. Esta publicación recolle seis producións do país elixidas por unha comisión especializada tras unha convocatoria pública á que se presentaron unha trintena de traballos de realizadores galegos.

Maullidos de látex, de Brian Rodríguez; Limbo, de Daniel Viqueira; Soy una tumba, de Khris Cembe; A nena azul, de Sandra Sánchez; La noche, de Martín Romero; e El Espectrorum, de Judith Adataberna son as producións presentes no catálogo. Ademais Soy una tumba estará tamén presente sección competitiva internacional do evento