O Concello de Betanzos está a actuar de urxencia no templete do estanque do retiro do Parque do Pasatempo, que sufriu un gran desprendemento en novembro de 2018. A obra, que ten unicamente por obxectivo frear o proceso de degradación e realizar tarefas de documentación previas a un proxecto de restauración, foi asumida economicamente polo concello de Betanzos, cun orzamento de 50.000 euros. As obras foron autorizadas pola Dirección Xeral de Patrimonio. O concello tentará que nas enmendas aos orzamentos da Xunta se complete o investimento de 750.000 euros que faran concello e Deputación da Coruña.
