Manu Lago caracterizado para Outono
Despois dunha longa enfermidade, Manu Lago García, Manu Malabaranda falecía onte 15 de decembro. Lago, un dos membros fundadores da compañía PistaCatro estaba considerado un dos máximos expoñentes do circo galego. Formado en Londres e con diferentes mestres internacionais, creou a compañía Malabaranda e desenvolveu distintos espectáculos como Kamikaze, Purgatorio, Desperta! con PistaCatro, contribuíndo de xeito decisivo á popularización das artes circenses. Outono foi a última montaxe no que participou activamente. A capela ardente está instalada ao longo de hoxe no cemiterio de Boisaca, onde se celebrará unha misa funeral ás 18:15 horas.
