Pistacatro presenta o seu novo espectáculo circense 'Outono' . A produción da decana compañía pretende amosar o xeito de afrontar a madurez e a renovación no circo

A compañía de novo circo Pistacatro celebra o seu décimo aniversario presentando este sábado 18 de novembro o seu máis recente espectáculo Outono, circo-teatro e música en directo no Auditorio de Galicia, en Santiago de Compostela. A nova produción de Pistacatro reúne a parte dos seus membros fundadores para celebrar o máis difícil aínda: facerse maior. Aitor Garuz, Manu Lago, Natalia Outeiro e Pablo Reboleiro saen a escena baixo a dirección de Antón Coucheiro con este espectáculo que pretende ser unha homenaxe aos pallasos clásicos, contada a través dunha compañía de clowns en plena crise. Outono é un espectáculo de teatro-circo con música en directo (a cargo de Xavier Mera), que, segundo a compañía "nos conta a viaxe nostálxica de catro artistas ao seu pasado, unha celebración da amizade e dos fracasos, unha reivindicación de ser idiotas, unha ollada poética ao antigo oficio dos pallasos. Un reencontro cheo de emocións, verdade e humor."

Pistacatro Productora de Soños S.L é a compañía e produtora de Circo que se fai decana estes días en Galicia coa súa actividade dando saída ás novas correntes circenses en Galicia e desde Galicia para o mundo, abrindo novos mercados e públicos. Con non só representan a súa propias vivencias e percorrido profesional e experiencias senón que tamén pretenden amosar a madurez dun colectivo artístico que ao longo destes dez anos teñen suposto un revulsivo para as artes escénicas de Galicia. Outono ademais pretende facer unha lectura positiva da súa profesión circense, desde a perspectiva do envellecemento físico polo que os artistas camiñan orientando a súa profesión cara actividades menos esixentes no plano corporal pero necesarias para determinantes no proxecto creativo. A obra funciona tamén como metáfora colectiva de constante renovación de persoas e ideas tanto no aspecto artístico como cultural. Outono é un espectáculo para todos os público e estará no Auditorio de Galicia de Santiago , este sábado 18 de novembro ás 18.30 horas. Entradas en Abanca.com a 3 €. Bono familiar para 4 persoas a 10 €.

Trailer OUTONO. Compañia Circo PISTACATRO from Pistacatro on Vimeo.

Que che parece esta nova?

61 lecturas 0 reaccións