Flamante nova membro da Real Academia Galega de Belas Artes, a pintora Menchu Lamas (Vigo, 1954) ocupa actualmente as salas do Artium Centro-Museo Vasco de Arte Contemporáneo coa exposición Colores nómadas, comisariada por Luis Francisco Pérez. A mostra presenta obras recentes da artista, pezas de gran formato, polidÃpticos e incluso extensos crebacabezas de grandes proporcións, que combinan recursos abstractos e figurativos, configurando un universo simbólico no que a cor é protagonista, un dos elementos clave de toda a súa ampla obra. A exposición de grande formato ocupa varios dos espazos do centro vasco e estará aberta ata o vindeiro 20 de xaneiro.
