A Deputación de Pontevedra convocará un posto para a dirección do Museo

Trala xubilación de Carlos Valle, director do Museo de Pontevedra, a Deputación provincial está a preparar a convocatoria dun posto de dirección para substituílo. Poderán optar ao cargo "funcionarios de carreira ou laborais fixos do grupo AI que estean en posesión do título de Historia da Arte, Belas Artes ou outra disciplina análoga relacionada coas Humanidades". As candidaturas deben vir aconmpañadas dun proxecto de dirección e organización do Museo que "debe incluír o enfoque de xénero de xeito transversal, a posta en valor das coleccións existentes e unha proposta de musealización enfocada á reapertura dos edificios actualmente pechados ao público". A convocatoria sairá oficialmente no Boletín da Provincia de "xeito inminente".