A partir do 31 de outubro poderase visitar no Museo Arqueológico Nacional, en Madrid, a exopsición “Galaicos. Un pobo entre dous mundos”, que organiza a Deputación de Pontevedra e comisariada polo arqueólogo da deputación, Rafael Rodríguez, e o experto en patrimonio cultural Antoni Nicolau. A exposición amosará máis de sesenta pezas de diferentes coleccións museográficas, amosando a interacción entre a sociedade da Idade do Ferro que habitaba no NW da Península Ibérica e o Mediterráneo. A mostra poderase visitar en Madrid ata principios de febreiro e logo itinerará a Valencia.
