O patrimonio cultural parece ser o centro das estratexias de promoción turÃstica que Galicia está a levar a FITUR, a Feira de Turismo de Madrid. O presidente da Xunta, Alberto Núñez Feijóo, marcou como prioridade facer medrar o número de turistas estranxeiros e destacou que o Camiño de Santiago é un eixo central deste desenvolvemento. Pola súa banda, Rafael Louzán, presidente da Deputación de Pontevedra, manifestou que a súa institución está a apostar polo turismo cultural e o turismo de eventos, e presentará en FITUR dous roteiros: o dos Castelos e o designado pola Deputación como "Roteiro dos Xacementos", que comprende 16 sitios arqueolóxicos de toda a provincia da Idade do Ferro ou de época romana.
