O Presidente da Deputación de Pontevedra, Rafael Louzán, anunciou o venres que o organismo provincial está a elaborar un Plan Director de Xacementos Arqueolóxicos da provincia para "determinar o estado no que se atopan tanto os que xa foron excavados coma os que precisan algunha intervención". O Plan Director diferenciará sete tipos de intervencións. O Plan Director abordará, en primeiro lugar, os 15 castros visitables da provincia e logo se estenderá a outros, creando modelos en tres dimensións dos sitios arqueolóxicos. O oppidum de Santa Tegra contará coas primeiras intervencións, que se plasmarán na reconstrución virtual do poboado, a dotación de audioguÃas e a adaptación para discapacitados. O Plan Director será levado a cabo por técnicos da Deputación, en colaboración co CSIC e a Dirección Xeral de Patrimonio.
