María Villarino gaña o Pura e Dora Vázquez de ilustración

A ilustradora ourensá María Villarino López fíxose co XV premio de literatura infantil e xuvenil "Pura e Dora Vázquez" na súa modalidade de ilustración. A ilustradora, que é docente de ensino secundario, tivo que realizar as ilustracións da obra gañadora da modalidade literaria do mesmo premio, As historias da ogra Pinta da escritora Ánxela Gracián. O premio está dotado con 1500 euros e editarase un libro co texto gañador e as ilustracións galardoadas polo xurado, que será empregado en campañas de animación á lectura.