A obra As historias da Ogra Pinta, da escritora de Castroverde Ánxela Gracián, fíxose co XV premio de literatura infantil e xuvenil "Pura e Dora Vázquez" na modalidade de narración. O certame está convocado pola Deputación de Ourense e que está dotado con 1.500 euros. O xurado sinalou que a obra "transmite valores sociais moi importantes, como é o de non ter prexuízos iniciais sen ter pleno coñecemento das cousas". A obra recolle "pequenas historias de aventuras que viven os rapaces dunha pequena aldea galega". A peculiaridade deste certame é que agora se abre o prazo do XV Premio "Pura e Dora Vázquez" na modalidade de Ilustración, que se convoca especificamente para ilustrar a obra narrativa premiada. O prazo de entrega finaliza o 3 de setembro.
