Arousa Norte e a Deputación da Coruña crean unha rede arqueolóxica de castros no Barbanza

Ofrecer unha visión integral da Idade do Ferro a través de castros que contan historias complementarias entre si. Ese é o obxectivo do proxecto que onte presentaron os alcaldes de Ribeira, Pobra do Caramiñal, Boiro e Rianxo co departamento de turismo da Deputación da Coruña. O proxecto está destinado a crear capas de información turística e divulgativa a través dos numerosos castros excavados no Barbanza e complementar a oferta con novos puntos tamén de interese turístico nos que se realizarán intervencións científicas. O proxecto, destinado a fortalecer o turismo cultural e especialmente o do norte de Europa, contará cun investimento de 500.000 euros.