A Xunta crea unha sala de interpretación no mosteiro de Santa Catarina de Montefaro

A Xunta acaba de formalizar o contrato para a creación dunha sala interpretativa no mosteiro de Santa Catalina de Montefaro (Ares) que, ademais, acompañarase de actuacións complementarias de restauración das pinturas do exterior dos muros cara o claustro, de eliminación de termes dos retablos e de humidades. O proxecto ten un orzamento de 107.000 euros e súmase a iniciativas anteriores de restauración. O obxectivo é aproximar o mosteiro á súa estrutura orixinal, antes de que fora convertido en cuartel trala desamortización de 1835.