Blanca Nieves Lourés. Ternura.
As obras gañadoras do certame anual Novos Valores, organizado pola Deputación de Pontevedra, e outras 25 obras seleccionadas das que se presentaron a ese certame poden verse no Museo de Pontevedra ata o vindeiro día 16 de setembro. Entre as obras expostas atopamos as pezas gañadoras da edición 2018 do certame. As obras teñen diferentes categorías, entre as que atopamos: pintura, escultura, debuxo, gravado, vídeo e fotografía. Os premios en forma de bolsas para a ampliación de estudos recaeron este ano nas obras Lo merecido, de Natalia Umpiérrez; My statementa, performance audiovisual de Noela Covelo; o vídeo Synth-BIOs-sobreinformación, de Lois Búa e Ternura, pintura de Blanca Nieves Lourés. Nesta edición, o certame Novos Valores recibiu case un centenar de traballos dos que foron seleccionadas para formar parte da exposición 25 de diferentes disciplina.
