O dramaturgo Manuel Lourenzo. Foto: Santos Díez e Eduardo Castro Bal / AELG
O Festival Internacional de Outono de Teatro de Carballo (FIOT) anunciou que o dramaturgo e actor Manuel Lourenzo será o vindeiro Xograr de Outono, o recoñecemento que o festival fai a persoas do mundo da dramaturxia galega. O galardón foi concedido por "toda unha vida dedicada con paixón ao teatro, a súa prolífica e polifacética traxectoria profesional e ser unha figura trascendental no nacemento e consolidación do teatro galego", segundo os membros do xurado, que foron os anteriores xograres de outono. O galardón será entregado en outubro, durante a celebración do festival.
