O FIOT de Carballo premia a Mónica Camaño

O Festival Internacional de Outono de Teatro de Carballo outorgou, a través da xuntanza anual de antigos premiados, o premio do festival á actriz Mónica Camaño. "Con este premio o xurado do Xograr de Outono quere recoñecer a intensa, diversa e importante traxectoria profesional de Mónica Camaño – con máis de 30 anos de percorrido – xa que traballa activamente tanto como actriz de teatro como en cine e televisión, ademais de ter un compromiso activo co sector cultural", sinalou o xurado. O galardón será entregado ao longo da celebración da XXVI edición, neste outono.