Celso Parada, Artur Trillo, Vitor Mosqueira, Quico Cadaval e, desde onte, Dorotea Bárcena. Este é o listado de personalidades do mundo do teatro que foron galardoados co Xograr de Outono 2008 que concede o Festival Internacional de Outono de Teatro de Carballo (FIOT). A Asociación Cultural Telón e Aparte, xunto cos anteriores galardoados, decidiron concederlle este premio a Dorotea Bárcena pola súa traxectoria profesionial e o seu papel no desenvolvemento do teatro en Galicia. Bárcena (Oviedo, 1944) ten unha dilatada traxectoria no mundo do cine e da televisión e, entre os seus méritos destaca ser membro, con Xulio Lago, do grupo Esperpento Teatro Xove, un dos máis activos do incipiente teatro independente galego.
