Analizan as arquitecturas esvaecidas de Galicia no CCG

Hai arquitecturas que, sen existir, seguen a ter un notable valor histórico. E iso porque se conservan fontes gráficas e documentais -planos, debuxos, gravados, pinturas, fotografías, cine, etc- que teñen tanto valor para estudar o patrimonio arquitectónico ou urbano desaparecido como para reconstruílo virtualmente. A xornada, coordinada polos investigadores Jesús A. Sánchez García, Julio Vázquez Castro e Alfredo Vigo Trasancos, dará a coñecer en primicia algúns exemplos galegos reconstruídos que fan revivir varios monumentos perdidos ou que chegaron a nós moi seriamente transformados.