O Consello da Xunta aprobou onte a sinatura dun convenio entre Turismo de Galicia e a catedral de Santiago por importe de 210.000 euros para a edición dun libro sobre o santuario. A obra, que se editará en dous volumes, "permitirá unha comprensión integral do templo, enriquecida polos descubrimentos e coñecemento xerados coa actual restauración". Segundo a Xunta, este proxecto é parte da programación do Xacobeo 21, e deberá estar finalizado para a celebración do vindeiro ano santo. No equipo do proxecto participarán "historiadores, historiadores da arte, arqueólogos, arquitectos ou restauradores, entre outros, e cuxos textos veranse potenciados pola reflexión compartida con outras disciplinas humanÃsticas e teolóxicas". O libro porase á venda, coeditado por Turismo de Galicia e a Catedral de Santiago e aÃnda se descoñece se haberá edición dixital.
