Gondomar: o galego da Idade Moderna nun único punto

Durante moito tempo consideráronse os Séculos Escuros para a lingua galega, pero a realidade é que cada vez aparecen máis textos en galego da Idade Moderna. O Instituto da Lingua Galega presentou Gondomar, un repositorio dixital de "toda a produción escrita en lingua galega ao longo dos séculos XVI, XVII e XVIII". Titulado co nome do conde de Gondomar, unha das máis notables figuras galegas do século XVI e inicios do XVII, o web presenta documentos cun estenso traballo de edición e depuración e unha completa bibliografía que permite contextualizar os materiais e entender as súas "peripecias" históricas.