Román Rodríguez anunciou a semana pasada no Parlamento de Galicia que a Xunta compatibilzará o acceso peonil e rodado ao castelo de Monterrei coa conservación do pavimento orixinal, aparecido durante as obras de reurbanización de 2016, orientadas á posta en marcha do Parador. As obras, que terán un orzamento de 350.000 euros, terán varias fases. A calzada será tapada mentres rematan as obras actuais e logo emprenderase un proxecto de recuperación e consolidación das estruturas para garantir a compatibilidade da conservación e do acceso á acrópole. Rodríguez calculou que a obra podería estar lista nun prazo aproximado de 12 meses.
