Esta mañá do venres, no marco dos XX Encontros para a Normalización Lingüística do Consello da Cultura Galega, presentouse o vídeo #odeportegalegofalagalego. Producido polo Consello da Cultura Galega, o vídeo amosa vídeos gravados polos propios deportistas de elite galegos ao longo de todo o mundo achegando a súa visión sobre a lingua e a súa utilidade. No vídeo atopámonos aos porteiros Sergio Álvarez e Rubén Martínez; a futbolista Vero Boquete; o montañeiro Sechu López; o corredor Pedro Nimo, a campioa de vela Sofía Toro; o xogador de squash Borja Golán; a patinadora Nadia Iglesias; o adestrador Moncho Fernández; a atleta Ana Peleiteiro; a árbitra Cristina Fernández Piñeiro; o xogador de balonmán David Amor; a taekwondista Mercé Barrientos; o ciclista Ezequiel Mosquera; os futbolistas Álex Bergantiños e Fernando Seoane e o triatleta Pablo da Pena.
