Comezan os XV Encontros para a Normalización Lingüística

Os trinta anos de política lingüística protagoniza a primeira xornada dos XV Encontros para a Normalización Lingüística, que arrinca esta mesma mañá no Consello da Cultura Galega. O encontro, organizado polo Centro de Documentación Sociolingüística de Galicia, pode seguirse ao vivo vía Youtube, e inicíase cunha análise de Xaime Subiela sobre a Lei de Normalización e o seu desenvolvemento nas últimas tres décadas. As xornadas continúan mañá e tamén se transmitirán ao vivo.