Stephy Llaryora e Josi Lage levan á escena Lolo e Mamá, a nova produción de De Ste Xeito. Con texto de dramaturxia de Sther F. Carrodeguas, as dúas actrices encarnan a Loló e a Margot, a súa nai, que se instala en casa da primeira logo de quedar no paro. A tensión entre xeracións e as complicacións dunha convivencia cos papeis mudados amósanse nunha obra que reflexiona con humor ácido sobre as relacións familiares. O Auditorio Municipal Concello de Vigo acolle o vindeiro 20 de abril a estrea mundial desta produción.
