O Diario Oficial de Galicia publica hoxe a convocatoria do "I Premio CGAC de investigación e ensaio sobre arte contemporánea", dotado con 3000 euros, para "textos de tema libre, sobre aspectos da arte contemporánea, con carácter divulgativo". O Centro Galego de Arte Contemporánea convocou este premio por mor da "escaseza actual de canles especializadas en Galicia para publicar textos de arte contemporánea e promover a investigación e produción de pensamento sobre esta materia en lingua galega". O prazo para remitir orixinais remata o 15 de xuño de 2018.
