Cultura inviste máis de 200.000 euros en Santa Cristina de Ribas de Sil

Impulsar a candidatura da Ribeira Sacra a Patrimonio da Humanidade é o obxectivo último das reformas do mosteiro de Santa Cristina de Ribas de Sil promovidas pola Xunta. 225.000 euros que serán empregados para mellorar a accesibilidade a este cenobio de Parada de Sil, así como para cambiar a cuberta actual e arranxar forxados e outras obras. Santa Cristina é Ben de Interese Cultural e é de propiedade municipal.