A Xunta inicia a declaración BIC das esculturas do Mestre Mateo

O Diario Oficial de Galicia publicou hoxe a incoación do expediente para declarar Ben de Interese Cultural as nove esculturas do Mestre Mateo que procedían da desaparecida fachada occidental de Santiago de Compostela. As esculturas teñen diversos propietarios: o Museo da Catedral de Santiago, o Museo de Pontevedra, ou propietarios particulares. Isto inclúe as dúas estatuas ("Abraham ou Xeremías" e "Isaac ou Ezequiel") das que a familia Franco indica a propiedade e sobre as que o concello de Santiago de Compostela presentou un litixio reclamando a súa devolución.