Falece o creador chairego Anxo Lamas

Na madrugada de domingo falecía no Hospital de Lugo o artista chairego Anxo Lamas, logo dunha longa enfermidade. O pintor e escultor, especializado en traballos sobre madeira, contaba con 76 anos e desenvolvera unha intensa lavor como activista cultural da comarca da Chaira. Os seus restos foron enterrados onte no camposanto de Bazar, en Castro de Rei, onde vivía. Lamas recibira ao longo da súa carreira recoñecementos como o premio de honra do Iescha, o título de Veciño de Honra de Bazar, o de Baluro de Honra de Castro de Rei ou a Navalla de Manuel María en Outeiro de Rei.