A asociación cultural Xermolos e mais a Irmandade Manuel María organizan este domingo 8 de setembro en Outeiro de Rei unha nova edición do encontro Memoria da Chaira Enteira. No marco desta iniciativa, que coincide co 13 cabodano do autor chairego, entregaranse as navallas de Manuel María en recoñecemento ao poeta Anxo Lamas e, de xeito póstumo, a Agustín Fernández Paz. A iniciativa inclúe tamén un xantar de fraternidade, a proxección do documental Cantando a Manuel María de Gonzalo Veloso, un recital poético nas Penas de Rodas e actuacións musicais a cargo de Raúl Galego, Mini e Mero, Antón Valcarce, Miro Casabella, Tino Baz ou Quintas Canella. A inscrición para o xantar atópase aberta.
