Retrado de Felipe Criado. Fonte: Web do artista.
Na madrugada do pasado venres 23 falecía na súa casa de Mera o pintor Felipe Criado. Con 85 anos de idade, e aínda que nado en Xixón, o artista desenvolveu toda a súa carreira en Galicia, e chegou a ser membro da Real Academia Galega de Belas Artes. O funeral na súa honra celebrarase mañá, martes, ás 20:15 horas na igrexa dos xesuítas da rúa Juana de Vega, na Coruña. O pintor recibira unha homenaxe no Museo de Belas Artes desta cidade o pasado mes de maio.
