A oferta cultural galega ocupa o sexto posto estatal en calidade e innovación

A Fundación Contemporánea daba a coñecer onte os resultados do seu Observatorio da Cultura que recolle os datos correspondentes a 2017. O documento La Cultura en España 2017 indica que Galicia ocupa o sexto lugar entre as comunidades do estado en calidade e innovación da súa oferta cultural. O noso país obtivo un 14,2% de aprovación fronte ao 12% do anterior exercicio. Por cidades, A Coruña sube un posto e fica como número 11 entre as urbes do país, mentres Compostela retrocede 4 lugares e pasa ao 15. Vigo mantense no 21 e é a outra cidade galega presente entre as primeiras 30 máis valoradas neste ámbito.

Na clasificación das 64 mellores institucións e acontecementos culturais do ano non se introduce ningunha representación do noso país. A maiores, un panel de expertos galegos elaborou unha de iniciativas na comunidade que seleccinonou o Culturgal como o máis destacado, a subir un posto a respecto do pasado ano. Cineuropa, que escala oito posicións, fica en segundo lugar, mentres o Festival Noroeste Estrella Galicia mantense no terceiro posto. O Festival Sinsal (+2 postos), o Resurrection Fest (+2) e o Teatro Rosalía de Castro (-3) comparten a cuarta posición, mentres o marco baixa tres e fica sétimo, seguido polo CGAC co mesmo descenso. O MAC queda noveno e a Cidade da Cultura, cun menos, ocupa a décima posición nesta escala.