Segundo o informe de decembro do Observatorio da Cultura da Fundación Contemporánea, Galicia ocupa o sexto posto a nivel de calidade de innovación da súa programación cultural. O informe, que se elabora en base a consultas a unha serie de especialistas do ámbito cultural, salienta que o noso país ascendeu dous postos na categoría de innovación, aínda que a percepción no campo de calidade baixou (do 20 ao 13% de apoios). Por localidades, destaca Santiago de Compostela, única urbe galega entre as vinte máis valoradas, co posto 16, aínda que baixa 9 posicións desde 2011. É de salientar, no entanto, a ausencia de eventos e institucións galegas na selección de "O mellor do panorama cultural" de 2012.
Segundo salienta La Voz de Galicia, o director da Fundación Contemporánea salientou a importancia da cultura de base na innovación, e apuntou unha menor dependencia das iniciativas institucionais do noso panorama fronte a comunidades do noso contorno.