A coincidir co comezo do ano, a canle V Televisión cesou a súa emisión. O proxecto audiovisual de La Voz de Galicia comezara a súa andaina en 2010 e xa hai 12 meses sufrira un importante recorte nos seus contidos, co feche de diferentes programas. O grupo mediático non emitiu comunicados sobre o feche desta canle, única privada con licenza para a emisión a nivel autonómico. Medios como El Correo Gallego ou a Wikipedia fixéronse xa eco do feche.
