A Sala de Exposicións Afundación acolle ata o vindeiro mes de marzo de 2018 a exposición Quessada. Sociedade e represión, unha retrospectiva da obra do pintor ourensán máis centrada na denuncia social e nos dereitos humanos. A mostra, promovida pola Fundación Xaime Quessada e Afundación coa colaboración da Xunta de Galicia, inclúe máis de 50 pezas de diferentes estilos procedentes de diferentes entidades. A exposición conmemora o décimo cabodano do escritor. "Con esta mostra preténdese recuperar a memoria das súas achegas estéticas para a proxección cultural e a renovación da arte galega contemporánea. Poderanse ver algunhas das pezas menos coñecidas do artista, pero que amosan o seu compromiso “co mundo e co seu tempo desde unha perspectiva galega e universal", afirman desde a Xunta de Galicia.
A exposición Quessada. Sociedade e represión homenaxea o pintor no décimo aniversario do seu pasamento.
