Obra de Xaime Quessada. Foto: Museo de Pontevedra
Mañá mércores 24 de setembro inaugúrase no Museo de Pontevedra a mostra antolóxica
O Universo de Xaime Quessada , unha mostra realizada pola entidade en colaboración coa Fundación Xaime Quessada Blanco na que se percorre o mundo do pintor durante cinco décadas a través dunha selección de 50 obras. Artista dun tempo ben intenso (1937-2007), a obra de Quessada adéntrase esteticamente no cubismo, no construtivismo, no muralismo mexicano ou nos clásicos como Rembrand ou Goya. A mostra pode ser visitada ata o 10 de xaneiro.
