Fotograma do vídeo corporativo de presentación da sauna do Castro Carridal
Onte o equipo arqueolóxico dirixido por Emilio Ramil deu a noticia da aparición dunha nova sauna castrexa en Cedeira. Foi no transcurso das escavacións do Castro Sarridal, financiadas pola Dirección Xeral de Patrimonio nun sitio arqueolóxico de propiedade municipal. Trátase dun emprazamento fortificado ubicado ao carón dos cantís no mar. Os arqueólogos puideron confirmar onte que dúas estruturas que están a exhumar non eran espazos habitacionais, senón que correspondían a un monumento con forno, unha sauna castrexa. Trátase dun tipo de edificio que, aínda que coñecido especialmente no norte da antiga Gallaecia e na zona sur (norte de Portugal), non é moi frecuente localizar.
