Comeza co testamento de Rosendo, o fundador do mosteiro de Celanova, e a partir de aÃ, 600 documentos que son clave para comprendermos o devir da Galicia do ano 1000 e séculos posteriores. Onte, o Consello da Cultura Galega puxo a disposición pública electrónica no corpus Gallaeciae Monumenta Historica o Tombo de Celanova, a colección documental máis antiga do mosteiro. Non só están os documentos, senón un inxente traballo de indexación de nomes de persoas, de lugares e de conceptos que permiten explorar en múltiples direccións a colección documental.
