O caderno de viaxe Venezia, no que o ilustrador galego David Pintor achega a súa particular visión da cidade das canles, valeulle un premio en Italia. O Festival Rodari, que se organiza na localidade de Omegna en colaboración entre o concello e o centro Parco della Fantasia recoñeceu cun premio especial esta obra. Venezia é o cuarto traballo do autor dedicado ás cidades, logo dos volumes que realizou sobre Compostela, Barcelona e Lisboa.
