Falece Alberto Martí, o fotógrafo dos adeuses

O cemiterio de San Amaro, na Coruña, acollía onte o sepelio de Alberto Martí. O fotoxornalista faleceu o pasado venres aos 95 anos de idade logo de case oito décadas de traballo. Entre o seu labor máis coñecido está a serie sobre a emigración Os adeuses, transformada nunha auténtica icona cultural e que foi recuperada polo Consello da Cultura Galega e polo Centro Galego de Artes da Imaxe nunha exposición que continúa en xira. Entre os múltiplos recoñecementos ao seu traballo, Martí obtivo en 1960 o Premio Nacional de Fotografía polo seu retrato dun ataco a man armada na Cidade Herculina. Nos últimos anos ocupara o posto de presidente da Cociña Económica da Coruña.