Nenos que perderon o barco. A Coruña 1960.
A sede da Fundación Barrié da Coruña acollía esta mañá a presentación de Os adeuses. Fotografías de Alberto Martí. A mostra, organizada polo Consello da Cultura en colaboración co Centro Galego de Artes da Imaxe, recolle os retratos da partida de emigrantes galegos entre 1957 e 1963 realizados por este fotógrafo. A inauguración será ás oito e media desta tarde, e a mostra poderá verse ata o 5 de setembro na sede da Fundación Barrié na coruña. O proxecto está organizado polo Consello da Cultura e mais o Centro Galego de Artes da Imaxe e conta coa coordinación técnica de José Caruncho.
