O CGAC olla a carreira artística de Álvaro Negro

David Barro é o comisario de "Y", unha retrospectiva do artista Álvaro Negro que se inaugura este venres 29 de setembro ás 19 horas no Centro Galego de Arte Contemporánea. "Nesta exposición poderemos ver as súas primeiras pinturas, algunhas das súas series máis representativas, o seu traballo en vídeo e unha moi interesante reflexión sobre a arquitectura de Álvaro Siza", sinálase desde a organización. Negro xa está presente na propia colección do CGAC e ten feito diversas exposicións en Galicia.