Álvaro Negro analiza nunha exposición a relación do proxecto galego de Ulrich Rückriem coa súa contorna

Fotograma do vídeo que conforma <i>Natureza! estás soa?</i> — Fotograma do vídeo que conforma *Natureza! estás soa?*

Natureza! Estás soa? é o título do ultimo proxecto expositivo de Álvaro Negro (Lalín, 1973). Unha mostra na que o vídeo é o soporte que emprega este artista para reflexionar sobre a relación entre a arte e a súa contorna a partir do proxecto que o escultor alemán Ulrich Rückriem elaborou na parroquia estradense de Codeseda. Nesta ocasión, Álvaro Negro reflexiona sobre a acción do paso do tempo e o cambio da mirada do espectador nun proxecto que foi comisariado polo tamén lalinense Ángel Calvo. A mostra, que estará aberta ata o 22 de xaneiro de 2012, abre unha nova etapa de programación do PALEXCO coruñés, marcado por unha maior presenza da arte contemporánea.